”ზესტაფონი” შემდეგ ეტაპზე გავიდა.

2009 წლის 29 ივლისს საფეხბურთო კლუბმა ”ზესტაფონმა” გამართა 2009-2010 წლების ევროპის ლიგის გათამაშების პირველი ეტაპის განმეორებითი შეხვედრა. იმერელებმა, ”ლისბერნის” სტუმრად გამარჯვების შემდეგ, შინაც დაამარცხეს ბრიტანელები ანგარიშით 6-0 ...

შეხვედრა მასპინძელთა აშკარა უპირატესობით წარიმართა და მათივე შთამბეჭდავი გამარჯვებით - 6-0 დასრულდა. ანგარიში უკვე 5-ე წუთზე ჯაბა დვალმა გახსნა, ტაიმის მიწურულს (39-ე წუთზე) მანვე ანგარიში გააორმაგა, ხოლო 42-ე წუთზე პირველი ზესტაფონური ხეტ-თრიკიც გაიფორმა. 44-ე წუთზე კი ნიკა გელაშვილმა ოთხამდე გაზარდა ანგარიში.

მეორე ტაიმი ისევ მასპინძელთა უპირატესობით მიმდინარეობდა, თუმცა ზესტაფონის ცენტრალურ სტადიონზე შეკრებილმა 3 000 მაყურებელმა გატანილი გოლები მხოლოდ მატჩის მიწურულს იხილა - 86-ე და 90-ე წუთებზე მინდორზე შეცვლაზე შესულმა ალექს ბენაშვილმა კიდევ ორჯერ დაამწუხრა ჩრდილოირლანდიელთა გოლკიპერი პოლ მერფი - 6-0.

ევროპის ლიგის გათამაშების მეორე საკვალიფიკაციო ეტაპის პირველ შეხვედრაში, რომელიც ზუსტად ერთ კვირაში, 16 ივლისს ზესტაფონის ცენტრალურ სტადიონზე გაიმართება, ზესტაფონელები ჰენრიკ ლარსონის შვედურ ”ჰელსინგბორგს” უმასპინძლებენ ...

	09/07/2009 - ”ზესტაფონი” - ”ლისბერნი” (ლისბერნი, ჩრ. ირლანდია) - 6-0
დაწვრილებით: