"ზესტაფონს" ლევან კუტალია შეუერთდა

საფეხბურთო კლუბ ”ზესტაფონში” მატებაა - მარგველთა 23 წლის ახალწვეულის სახელია ლევან კუტალია. ქართველი ნახევარმცველი, რომელიც ბოლოს საფეხბურთო კლუბ ”ზუგდიდში” ასპარეზობდა, მომდევნო ორი წლის (1+1 წლის სისტემით) განმავლობაში იმერული კლუბის ღირსებას დაიცავს.

ორიოდე სიტყვით საქართველოს ჩემპიონთა ახალწვეულის შესახებ:

ლევან კუტალია - ნახევარმცველი; დაიბადა - 19.07.1989. საფეხბურთო კლუბ ”ზესტაფონთან” კონტრაქტის გაფორმებამდე ასპარეზობდა შემდეგ საფეხბურთო კლუბებში: ”მგლები” (ზუგდიდი) - 2006-2007; ”სლავია” (სარაევო, ბოსნია და ჰერცეგოვინა) - 2008-2010; ”ზრინსკი” (მოსტარი, ბოსნია და ჰერცეგოვინა) - 2010-2011; ”ზუგდიდი” - 2011-2012. თავის დროზე ლევან კუტალიას საქართველოს 21-წლამდელთა ნაკრებშიც უასპარეზია...

საფეხბურთო კლუბ "ზესტაფონსა" და ლევან კუტალიას შორის შრომითი ხელშეკრულებულის გაფორმების საზეიმო ცერემონია დღეს, 8 იანვარს კლუბის თბილისის ოფისში გაიმართა. ცერემონიაზე საფეხბურთო კლუბ "ზესტაფონს" სპორტული დირექტორი მიხეილ ხუციშვილი წარმოადგენდა. დღესვე ფეხბურთელმა წარმატებით გაიარა სამედიცინო შემოწმება...