22.04.2023

მძიმე მარცხი ლიდერთან გასვლით შეხვედრაში

მიმდინარე წლის 22 აპრილს გაიმართა საქართველოს XXXV ეროვნული ჩემპიონატის ლიგა 3-ს ტურნირის მორიგი შეხვედრები - დედაქალაქურ საფეხბურთო კომპლექს "მარაკაზე" გამართულ მესამე ტურის შეხვედრაში დუშეთის საფეხბურთო კლუბმა "არაგვმა" "ზესტაფონს" უმასპინძლა.

ზესტაფონელთა წინა მეტოქე "ვარკეთილის" მსგავსად, ახლადდაწყებულ სეზონში სპეციალისტთა მიერ ლიგა 3-ის ერთ-ერთ მთავარ ფავორიტად მიჩნეულ "არაგვთან" შეხვედრა "ზესტაფონისთვის" არ გამოდგა მარტივი. დუშელები თამაშს თავიდანვე აკონტროლებდნენ, ბევრსაც უტევდნენ და საბოლოოდ, დიდი ანგარიშით 6-0 დაამარცხეს ახალგაზრდა იმერლები.

გამარჯვებულთა რიგებში გატანილი გოლებით პაატა კიტეიშვილმა (34-ე და 62-ე წუთებზე), ზვიად სიხარულიამ (45-ე წუთზე), დიმიტრი ტატანაშვილმა (49-ე და 52-ე) და ჯუმბერ ხმელიძემ (60-ე წუთზე) გამოიჩინეს...

შემდეგ შეხვედრას "ზესტაფონი" 27 აპრილს გამართავს - საქართველოს XXXIV ეროვნული ჩემპიონატის ლიგა 3-ის მეოთხე ტურის შეხვედრაში მარგველები საფეხბურთო კლუბ "გორს" უმასპინძლებენ. მატჩი დავით აბაშიძის სახელობის სტადიონზე გაიმართება და 16:00 საათზე დაიწყება...

	22.04.20232. ”არაგვი” (დუშეთი) - ”ზესტაფონი” 6-0
"ზესტაფონი": იგითხანიანი, დევდარიანი, ნუცუბიძე (ლ. ფუტკარაძე, 46), კუჭაშვილი, ანდრიაძე (შალამბერიძე, 67), სადაღაშვილი (შენგელია, 8 (კლდიაშვილი, 65)), სათირიშვილი, ზუზაძე (მღარიშვილი, 65), ხვადაგიანი, გიგოლაშვილი, სამხარაძე. დაწვრილებით: